Бардыгыңыздарды Ак калпак күнү менен куттуктаймын. Ар дайым сыймыктануу менен кийип жүргөн ак калпагыбыз — кыргызды дүйнөгө тааныткан өзгөчөлүктөрүбүздүн бири. Ата-бабаларыбыз жүздөгөн, миңдеген жылдар бою дайыма эгемендүүлүктү эңсеп, жанын аябай канын төгүп, мамлекеттүү бололу, кыргыздын туусу желбиреп турсун, кыргыз ак калпагы башынан түшпөсүн деп өмүрүн арнап келген. Дүйнө жүзүндө аз эле эл бар, мамлекеттүүлүгүн 2200 жылдан ашыра  майрамдаган. Кыргыздын желеги дайыма желбиреп турсун. Туубуз бийик болсун, ак калпагыбыз башыбыздан түшпөсүн, бардыгыбыз мамлекетибиз менен, Кыргыз Республикасы менен сыймыктанабыз!

Ошону менен бирге 5-март-Кыргыз Республикасынын сот тутумунун кызматкерлеринин күнү. Сиздерди бүгүнкү кесиптик майрамыныздар менен куттуктаймын. Сиздерге чың ден-соолук, кажыбас кайрат, бийик дем күч жана үй-бүлөлүк бакыт каалайм.

Жергебизде ар дайым тынчтык жана бакубатчылык болсун!

Сиздерди терең урматтоо менен Талас облустук сотунун төрагасы Алмазбек Абдылдаев