Талас райондук сотунун иш планынын негизинде аталган соттун төрагасы Бакытбек Жаназаков, судьясы Жоомарт Ганиев жана аппарат кызматкерлеринин катышуусунда Талас райондук прокуратура, ички иштер бөлүмүнүн ошондой эле жол кыймылынын коопсуздук тобунун өкүлдөрүнүн катышуусунда маалыматтык-түшүндүрүү жолугушуусу өткөрүлдү.
Жыйында Кыргыз Республикасынын Укук бузуу боюнча кодексинин айрым беренелерине өзгөртүүлөр киргендигине байланыштуу, үй-бүлөлүк зомбулук, укук бузуулар жана майда бейбашчылык боюнча, андан тышкары жол кыймылынын коопсуздук тобунун инспекторлоруна материалды сотко өткөрүүдө документтердин толук камсыз кылуусун жана укук бузуу протоколдорун түзүүдө кемчиликтер жаралып жаткандыгы тууралуу талкуу жүргүзүштү.
Милиция кызматкерлерине протоколду туура толтурууга жана далилдерди чогултуунун толуктугуна өзгөчө маани берип, укук бузуучуну сотко өз убагында алып келүүгө жана алардын укуктарынын сакталышына көңүл бурууга чакырды.
Судьялар материалдарды сотко өткөрүү мөөнөтүн сактоо, укук бузуу боюнча протоколдордун мазмунунун тууралыгын көзөмөлдөөнү сунушун беришти.
Жолугушуунун соңунда судьялар менен укук коргоо органдарынын өкүлдөрүнүн пикир алмашууларынан кийин бирдиктүү иш алып баруу үчүн мындай маалыматтык жолугушууларды өткөрүп туруу жагы макулдашылды.
