5-март “Кыргыз Республикасынын сот тутумунун кызматкерлеринин” кесиптик майрамына карата Талас облустук сотунда салтанаттуу иш чара өткөрүлдү. Иш чараны облустук соттун төрагасы Алмазбек Абдылдаев ачып, судьяларды жана жалпы сот тутумунун аппарат кызматкерлерин кесиптик майрамы менен куттуктап, жооптуу иштерине ийгиликтерди каалап, жетишкен ийгиликтерге ар бир кызматкердин салымы зор экендигин белгилеп өттү.

Ошондой эле, жалпы соттун жамаатын Талас облусунун прокурору, облустук ички иштер башкармалыгын жана Талас шаардык мэриясынын өкүлдөрү да куттуктап өтүштү. Кыргыз Республикасынын Жогорку сотунун Ардак грамотасы, Кыргыз Республикасынын ички иштер министрлигинин Ардак грамоталары жана Талас шаарынын мэриясынын төш белгилери, облустук прокуратурасынын  ведомстволук сыйлыктары менен облустук соттун төрагасы, судьялары жана аппарат кызматкерлери сыйланышты.

Андан соң сот тутумунда жигердуу эмгектенүүдө өзгөчөлөнгөн кызматтык милдеттерин үлгүлүү аткаргандыгы үчүн Бакай-Ата райондук сотунун бөлүм башчысы Фатима Бошкоевага 2024-жылдын “Мыкты бөлүм башчысы” наамы ыйгарылып, андан тышкары жергиликтүү соттордун аппарат кызматкерлери Талас облустук сотунун ведомстволук сыйлыктары менен сыйланышты.