Ажары менен ааламды аруулукка бөлөп, бизге жарык дүйнө тартуулаган энелер! Мээрим төгүп бөпөлөп, балдары үчүн жанын да курман чалууга даяр турган ардактуу апалар!

Сулуулугу жана назиктиги менен бизге дем берип, шыгыбызды арттырган асылзат айымдар, эжелер жана карындаштар!

Сиздерди 8-Март Аялдардын Эл аралык майрамы менен чын пейлимден куттуктайм!

Турмуштун жүгүн көтөрүүдө Сиздердин кайрат-күчүңүздөргө, чыдамкайлыгыңыздарга, мээнеткечтигиңиздерге, сабырдуулугуңаздарга эч нерсе теңдешсиз! Сиздер болбосоңуздар, аалам аман сакталмак эмес. Дайым тынчтыкка жар салып, адамзат тукуму уланса экен, эч бир жан жабыр тартпаса экен, ар бир адам уулу мээримге бөлөнүп өзүн бактылуу сезип, үйүндө жылуулук орноп, очок тутанса экен деген изги тилегиңиздердин өзү эле айтып бүткүс, сөз менен жеткире алгыс нерсе. Сиздер бар болгон үчүн дүйнө сулуу. Дүйнө кооз. Сиздердин карааныңыздардан эле биз эркектер канат кагып көккө учабыз. Алыска бийик максаттарды коёбуз.

Телегейиңиздер тегиз болсун! Ар бириңиздердин үйүңүздөрдө береке-кут орносун! Бекем ден соолук жана күлкү-шаттыкты тилейм. Жүзүңүздөрдөн сүйкүмдүү жылмаюу кетпесин, бар болуңуздар!

Сиздерди терең урматтоо менен, Талас облустук сотунун төрагасы Алмазбек Абдылдаев