Кыргыз тилинин  мамлекеттик тил катары жарыяланганынын 32 жылдык мааракесине карата Талас облустук сотунда майрамдык иш-чара өткөрүлдү.

Анда, Талас облустук сотунун төрагасы Мирлан Боромбаев, төраганын орун басары Айнура Султаналиева жана судьялар Бакыт Ибраимов менен Марсель Кенжеевдер, Кыргыз тили  мамлекеттүүлүктүн бирден бир белгиси жана элибиздин ынтымагы менен биримдигинин негизи экенин белгилеп өтүштү.

Ошону менен бирге мамлекеттик тилди өнүктүрүүдө көп кадамдар жасалып, мыйзамдар кабыл алынып, иш-чаралар аткарылып жатканын жана кыргыз тилин жайылтууда, үйрөтүүдө жакшы программалар кабыл алынып жаткандыгы жөнүндө айтып өтүштү.

Мындан тышкары, соттун аппарат кызматкерлери Кыргыз тили жөнүндө улуу жазуучуларыбыздын сөздөрү жана ырлары менен тааныштырышты.

Иш-чаранын соңунда Талас облустук сотунун төрагасы Мирлан Боромбаев Кыргыз тили-мамлекеттик тилибизди өнүктүрүүдө ар бирибиз салымын кошууга чакырды.